Löggur á hestum og engir flugeldar

Hahahahaha, við erum með íslenskt lyklaborð.

Ferðin okkar byrjaði í Boston þar sem við fórum beint upp á hótel að sofa af því að við áttum flug til New York kl. 5 um morguninn. Ekki mikið meira að segja frá því.
Lentum í New York kl. 7 um morguninn og fengum ekki að tékka okkur inn fyrr en í hádeginu þannig við urðum bara að gjöra svo vel og rölta um og NEYDDUMST til að versla smá... eða bara Melkorka.
Fórum svo á NBA leik á Sunnudaginn. Sáum New York Knicks taka á móti Chicago Bulls. Mættum því miður 12 árum of seint og sáum því tvö léleg lið spila. Áhugaverð lífsreynsla. Bandaríkja menn eru ekkert alltof mikið fyrir að horfa á sjálfa leikina sem þeir fara á, sérstaklega parið sem sat fyrir framan okkur og var blindfullt í hádeginu á Sunnudegi. Takandi myndir af sér á fullu en ekki af leiknum. Og þau mættu ekki fyrr en 15 mín. voru eftir af leiknum! Svo var útsýnið okkar blokkað trekk í trekk af sölufólki sem var að selja hatta og candyfloss.
Versluðum meira og meira. Melkorka tók flipp í Victoria's Secret og Kiddi tók flipp í NBA búðinni.
Svo kom gamlárskvöld. Engir flugeldar og af því að við vorum ekki með VIP miða fengum við ekki að fara á Times Square og sáum því ekki kúluna síga niður að 2008. Vorum einni götu frá Times Square þegar 6 löggur á sterahestum stóðu allt í einu á götunni að vísa fólki frá. Sjáiði þetta ekki fyrir ykkur á Laugaveginum?
Vorum svo greinilega stödd í vitlausum hluta á Manhattan því við gátum ómögulega fundið opna bari! Fundum einn óírskasta írska pöbb sem við höfum séð og bailuðum hann fljótt og enduðum svo reyndar á litlum sætum hverfisbar rétt hjá hótelinu. Þar þurfturu að öskra á barþjóninn til að fá bjór, ekki af því að tónlistin var svo hávær, heldur vegna þess að hann var eiginlega heyrnarlaus.
Erum núna komin til Austin, Texas í góðu yfirlæti hjá frænku hans Kidda og verðum þar þangað til á Föstudaginn þegar við fljúgum yfir til Carlsbad þar sem að Melkorka fær loksins að hitta hann Gunna sinn.

Melkorka og Kiddi kveðja, yfir og út.